Nënkryetari i AAK-së dhe kandidati i Aleancës për kryeministër, Ardian Gjini, ka njoftuar se Sokol Haziri është zgjedhur kryetar i ri i Aleancës në Gjilan, gjatë Kuvendit të degës në Anamoravë.
Gjini bëri të ditur se në takimin me strukturat e Aleancës në Gjilan morën pjesë edhe Besnik Tahiri, Ahmet Isufi dhe ish-kryetari i degës, Nazim Gagica.
Sipas Gjinit, Haziri është një nga bashkëpunëtorët e hershëm të Aleancës, me përvojë institucionale dhe përkushtim ndaj qytetarëve. Ai theksoi se riorganizimi i strukturave është dëshmi e fuqizimit të AAK-së në çdo nivel dhe se puna në teren do të vazhdojë për realizimin e vizionit të partisë në Gjilan dhe në gjithë Kosovën.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
