Policia e Kosovës ka vendosur masa të rrepta sigurie në sheshin “Skënderbeu”, në ditën kur pritet të inaugurohet presidenti i ri, Hashim Thaçi.
Ceremonia pritet të fillojë në ora 11:00, ndërsa për të marrë pjesë në ceremoninë e Hashim Thaçit president janë shpërndarë rreth 1300 ftesa, derisa pjesëmarrjen deri më tani e kanë konfirmuar mbi një mijë të ftuar.
Në mes të sheshit ‘Skënderbe’ para objektit të Qeverisë së Kosovës po bëhen ende përgatitjet për inaugurimin e sotëm të presidentit të sapozgjedhur Hashim Thaçi.
Tashmë janë vendosur skena dhe ulëset për mysafirët, ndërsa Policia e Kosovës po kujdesët për çdo detaj për sigurinë e këtij eventi.
Sheshet e Prishtinës janë të pakalueshëm sot. Çdo hyrje që të qon drejt tri shesheve kryesore të Prishtinës “Zahir Pajaziti”, “Nëna Terezë” dhe “Skëndërbeu” është bllokuar nga forcat policore.
