Një fanatik i historisë ka kaluar një dekadë duke “kthyer kohën mbrapa” në shtëpinë e tij për t’i dhënë vetes përvojën e viteve 1940.

Sipas mediave të huaja, përcjell Telegrafi, bëhet fjalë për Ben Sansom, 38 vjeç, i cili pranon se është ‘i obsesionuar’ me dekadën në fjalë dhe ka kaluar 10 vitet e fundit duke “paraqitur” epokën brenda shtëpisë së tij.

Ai ka transformuar vilën e tij në Godmanchester, Cambridgeshire, të cilën ai e bleu sapo ishte rinovuar, në një shembull të shkëlqyer të jetesës së 40-tës.

Vëmendja e tij ndaj detajeve është e tillë që ka bërë që nxënësit të bëjnë vizita dhe pensionistët të vijnë për të vizituar dhe sjellur “kujtimet e tyre” duke u ulur në divanin e tij.

Sansom, një administrator i linjës ajrore, u dashurua me të 40-at si adoleshent dhe e bëri atë qëllimin e tij për të jetuar sa më afër periudhës që të ishte e mundur.

Duke u përqendruar në tapete, qilima, sobë kuzhine, dhe madje edhe tualet, ai ka shpenzuar hiq më pak se 10 mijë funte.

Por tani që projekti i tij përfundimisht është i plotë, ai e ndjen se ia vlen çdo qindarkë.

Ai ka thënë: “Më pëlqen të shkoj prapa në kohë. Nuk mund të jetoja një jetë komplet moderne”. /Telegrafi/