Debati për autobusët e trafikut urban në Prishtinë në mes të ministrit të Financave Avdullah Hoti dhe kryetarit të Komunës së Prishtinës Shpend Ahmeti ende nuk ka përfunduar.
Sot në një konferencë për media me temë ATK-në, ministri Hoti ka folur edhe për autobusët, ku fajtorë për vonesë në implementimin e projektit e ka lënë kryetarin Ahmeti, duke thënë se ka qenë vet kryetari i Prishtinës i cili nuk ka bërë asnjë punë lidhur me këtë çështje.
Menjëherë ka ardhur reagimi i kryetarit Ahmeti i cili në Facebook, ka shkruar në atë formë që tregon se është lodhur me këtë debat, dhe e vetmja gjë që kërkon nga ministri i Financave, është dhënia e nënshkrimit që i hap rrugë projektit.
“Prapë paska fol Ministri i Financave për autobusët e Prishtines. Pas nje vit heshtje dhe asnjë komunikimi paska thënë se unë paskam bllokuar autobusët. Krejt ne rregull, vec nenshkruaje!”, ka shkruar kryetari Ahmeti.
