epa04769037 Novak Djokovic of Serbia reacts after winning against Jarkko Nieminen of Finland during their first round match for the French Open tennis tournament at Roland Garros in Paris, France, 26 May 2015. EPA/YOAN VALAT
Short i favorshëm për Novak Djokovic në Wimbledon.
Kampioni në fuqi i Grand-Slamit londinez parashikohet të ketë një rrugë të lehtë deri në finale. Mbrojtja e titullit për tenistin serb do të nisë me sfidën e raundit të parë ndaj Philipp Kohlschreiber që gjithsesi është e një shkallë jo të vogël vështirësie pasi gjermani ka dhuruar gjithmonë paraqitje të mira në fushat me bar, ndërsa një tjetër rrezik për Djokovic në rrugën e tij drejt finales mund të konsiderohet edhe Stan Wawrinka me të cilin serbi mund të përballet në gjysmëfinale. Megjithatë zvicerani nuk është një specialist i fushave me bar dhe duke u bazuar te faktet edhe numri 4 i Botës është një kundërshtar mëse i kalueshëm për 28-vjecarin.
Për fatin e mirë të serbit Federer, Murray dhe Nadal janë pozicionuar në krahun tjetër të shortit dhe mund të përballen me Nolen vetëm në finale. Numri 2 i Botës dhe 7-herë kampioni i Wimbledon Roger Federer do ta nisë turneun me ndeshjen ndaj boshnjakut Damir Dzhumur, ndërsa kundërshtari i Murray-it në raundin e parë do të jetë kazaku Mikhail Kukushin. Idhulli i tifozerisë vendase dhe fituesi i vitit 2013 do të ketë një mal të lartë për të ngjitur nëse dëshiron të triumfojë sërish në Wimbledon, pasi Murray në rrugën e tij drejt finales mund të gjejë përballë emra të tillë si Tsonga, Nadal dhe Federer. Sfidanti i Rafës në raundin e parë do të jetë braziliani Thomaz Belluci, ndërsa numri 5 i Botës Kei Nishikori do të masë forcat me italianin Simone Bolelli./ss/
