Anëtari i Kryesisë së Nismës për Kosovën, Bilall Sherifi ka reaguar ndaj deklaratës së kryeministrit Isa Mustafa, i cili dje gjatë fjalës së tij nga selia e BIK-ut, ka thënë se festat e “Bajramit” kosovarët çdoherë po i kremtojnë në gjendje të mirë shpirtërore dhe ekonomike.
Mirëpo sipas Sherifit, gjendja në Kosovë nuk është ashtu siç e sheh kryeministri, pasi ende ka njerëz që jetojnë në kushte të mjerueshme.
Siç thotë Sherifi, kjo deklaratë e tij dëshmon se kryeministri lajmet në televizione i shikon vetëm deri te pjesa ku flitet për qeverinë dhe jetën e qeveritarëve.
Lexoni postimin në Facebook:
Dëgjojeni deklaratën e Kryeministrit Isa Mustafa të cilën e bëri dje nga selia e BIK-ut për gjendjen në Kosovë në të cilën ai thotë:
“Çdo Bajram po e kremtojmë në gjendje më të mirë edhe shpirtërore edhe ekonomike”
Kjo deklaratë e tij dëshmon se kryeministri lajmet në televizione i shikon vetëm deri te pjesa ku flitet për qeverinë dhe jetën e qeveritarëve prandaj edhe nuk e din se në Kosovë ka ende shumë qytetarë të cilët jo vetëm që nuk jetojnë në “kushte më të mira shpirtërore dhe ekonomike” por siç e dëshmon kronika, jetojnë në kushte jashtëzakonisht shumë të rënda, në varfëri të skajshme!
Shikojeni videon dhe do të shihni edhe vet se sa larg realitetit, sa larg halleve dhe brengave të qytetarëve të Kosovës është kryeministri dhe qeveria e tij!
