Shërbimi Korrektues i Kosovës ka folur lidhur me deklaratat e avokatit të të ndjerit, Astrit Dehari.
Ata kanë thënë se e vërteta do të dali në raportet zyrtare dhe se çdo prejudikim i tyre është i dëmshëm.
“Deklarimet e avokatit Tomë Gashi se “gardianët e kanë ditur se Dehari ishte i vdekur”, prejudikon të gjeturat dhe raportet që priten të publikohen.Shërbimi Korrektues i Kosovës, ka besim të plotë se organet hetuese dhe Prokuroria do të publikojnë raportet zyrtare rreth rastit, andaj çdo prejudikim i tyre, i sjell dëm të vërtetës rreth rastit tragjik, familjes së të ndjerit dhe Shërbimit Korrektues të Kosovës”, thuhet në komunikatën e dërguar nga Ministria e Drejtësisë, transmeton Klan Kosova.
Shërbimi Korrektuesi i Kosovës ka thënë se do të ndërmarrë masat adekuate në pajtim me ligjin, ndaj cilitdo që ka shkelur rregulloret e brendshme dhe ligjet në fuqi.
