Shemsi Krasniqi, solisti i grupit të rock-folk-ut vendor “Ilirët”, i njohur më shumë si Shemi, është gjetur i vdekur në Prishtinë.
Burime të Gazetës Express thanë se ai rreth orës 15:00 u gjet i vdekur në banesën e tij pas një sulmi në zemër.
Vdekjen e tij e ka konfirmuar një ekip i Emergjencës.
Shemi ishte pjesë e grupit “Ilirët” që u formua më 1981. Po atë vit grupi solli këngën e parë të tituluar “Merita”.
“Ilirët” me Shemin në mikrofon ishin një prej grupeve muzikore më aktive gjatë viteve ’80 dhe ’90.
