Dy fëmijë të vegjël kanë arsye të fortë të festojnë, për faktin se kanë shpëtuar edhe pse mbi kokën dhe trupin e tyre përfunduan mijëra tulla që u shemben në një fshat në Kinë.

Ata praktikisht u “varrosen” për së gjalli në prezencë të nënës së tyre, e cila pasi pa se çfarë ndodhi bëri të pamundurën që t’i nxjerr dhe shpëtojë fëmijët, transmeton Telegrafi.

Kalimtarët e rastit bashkuan forcat për ta ndihmuar nënën e brengosur për sigurinë e fëmijëve, të cilët i mbijetuan tullave dhe pësuan vetëm disa mavijosje.

Kamerat e sigurisë kanë filmuar momentin kur vogëlushët po luanin afër tullave të palosura në një punëtori, kur befasisht ato shemben dhe i “mbulojnë”.

Megjithatë edhe përkundër murit të lartë të tullave që ishin mbi 2 metra lartësi të palosura, vogëlushët mashtruan vdekjen me disa lëndime të lehta trupore. /Telegrafi/