Korporata e Sfidës së Mijëvjeçarit të Qeverisë së SHBA-së (MCC), ka mirëpritur shfuqizimin e reciprocitetit ndaj Serbisë dhe ka njoftuar për rinisjen e zbatimit të programeve të zhvillimit ekonomik në Kosovë.
Përmes një komunikate për media, MCC tha se mirëpret vazhdimin e partneritetit me Qeverinë e Kosovës.
“Shtetet e Bashkuara mirëpresin zgjidhjen e çështjeve të tarifave dhe heqjen e masave të reciprocitetit ndaj mallrave serbe. MCC do të rinisë zbatimin e programeve në Kosovë. Mirëpresim vazhdimin e bashkëpunimit me popullin dhe Qeverinë e Kosovës, në punën tonë të përbashkët për të zbutur varfërinë përmes rritjes ekonomike”, thuhet në njoftim.
Kryeministri i Kosovës, Avdullah Hoti mirëpriti vendimin e MCC-së për të zhbllokuar fondet për Kosovën.
“Qeveria e Republikës së Kosovës mirëpret vendimin e MCC-së për zhbllokimin e fondeve dhe rinisjen e zbatimit të programeve të zhvillimit në Kosovë”, tha Hoti përmes një postimi në Twitter.
Konfirmohet pezullimi i programeve amerikane të ndihmës për Kosovën – shkak taksa
Korporata e Sfidës së Mijëvjeçarit të Qeverisë së SHBA-së (MCC) ka lëshuar një deklaratë përmes së cilës konfirmon pezullimin e programeve të zhvillimit ekonomik në Kosovë. “Pozicioni i Shteteve të…
KOHA.net / 13 Apr
Korporata e Sfidës së Mijëvjeçarit kishte njoftuar në mars për pezullimin e programeve në Kosovë, për shkak se në fuqi ishin ende tarifat kundër mallrave serbe, ndonëse SHBA-ja vazhdimisht kishte bërë thirrje për heqjen e tyre. Vlera e një programi që MCC-ja pezulloi në muajin mars, kapte vlerën prej 50 milionë dollarësh.
Qeveria e Kosovës të shtunën vendosi për shfuqizimin e masës së reciprocitetit me Serbinë, që kishte hyrë në fuqi në prill të këtij viti.
Largimi i taksës 100 për qind, por edhe më pas të reciprocitetit, vazhdimisht është kërkuar nga SHBA-ja.
Hoti heq “pengesat” për vazhdimin e dialogut, pret reagimin e Serbisë
Në ditën e tretë të punës, qeveria e re në krye me Avdullah Hotin ka hequr masën e reciprocitetit me Serbinë. Ekzekutivi, në mbledhjen e mbajtur të shtunën, ka shfuqizuar vendimet e Qeverisë së kaluar Kurti për aplikimin…
