Nipi e Mbretëreshës dhe gruaja e tij po divorcohen.
Nipi i Mbretëreshës, Peter Phillips dhe gruaja e tij Autumn kanë njoftuar se do të divorcohen, shkruan BBC, transmeton lajmi.net.
Një deklaratë e lëshuar në emër të tyre thuhet se vendimi ishte “veprimi më i mirë për dy fëmijët e tyre dhe miqësinë e vazhdueshme”.
Në deklaratë konfirmohet se ata do ta ndajnë edhe kujdestarinë e fëmijëve të tyre, Savannah, nëntë vjeç dhe Isla, shtatë.
Të dy familjet e tyre ishin “të trishtueshme”, por “plotësisht mbështetëse” për vendimin e “kujdestarisë së ndarë”, thuhet në deklaratë.
Çifti i treguan Mbretëreshës dhe anëtarëve të tjerë të familjes mbretërore për vendimin e tyre vitin e kaluar.
Z. Phillips, 42 vjeç, është djali i Princeshës Anne dhe burrit të saj të parë, Kapitenit, Mark Phillips.
Ai është nipi më i madh i Mbretëreshës dhe Dukës së Edinburgut.
“Vendimi për divorc dhe ndarje të kujdestarisë erdhi pas shumë muaj diskutimesh dhe megjithëse i trishtuar, është miqësor”, theksohet në deklaratë.
Ndër të tjera aty thuhet: “Peter dhe Autumn kanë kërkuar intimitet dhe dhembshuri për fëmijët e tyre ndërsa familja vazhdon t’i përshtatet këtyre ndryshimeve”.
Z. Phillips u takua me konsulenten kanadeze të menaxhimit Autumn Kelly, 41 vjeç, në Canadian Grand Prix në Montreal më 2003, ndërsa ai ishte duke punuar për ekipin e Formula 1 të William.
Ata u martuan në vitin 2008 në Kalanë Windsor – ku dasma e Dukës dhe Dukeshës së Sussex do të zhvillohej dhjetë vjet më vonë – dhe i rritën fëmijët e tyre në Gloucestershire.
Para dasmës, zonja Phillips hoqi dorë nga besimi i saj katolik – një veprim i cili, për shkak të rregullave mbi sukseset mbretërore që u ndryshuan më vonë, i lejoi Z. Phillips të ruaj të drejtën e tij mbi fron.
Philips nuk ka ndonjë titull mbretëror.
