Beogradin e ka dridhur përkrahja që ministri i Jashtëm grek i ka dhënë Kosovës në Prishtinë.
Deklarata se Athina do të përkrahë vendin për anëtarësimin në UNESCO e Interpol, ka bërë që Beogradi të reagojë.
“I kemi bërë kërkesë Ministrisë së Jashtme të Greqisë që të qartësojë qëndrimet e ministrit Kocijas. Pres që përkundër presioneve të shumta që po i bëhen Greqisë për ta ndërruar qëndrimin rreth mosnjohjes së pavarësisë së njëanshme, të mos ndryshojë”, ka thënë ministri i jashtëm serb Ivica Daçiq, raporton Koha.net.
Ambasada greke në Beograd ka thënë se deklaratat janë të qarta dhe se Greqia nuk e ndërron qëndrimin për mosnjohje.
