Deputeti i LDK-së, Adem Salihaj ka reaguar ndaj një kritikave që ka bërë Isa Mustafa ndaj deputetëve të LDK-së, që nuk ishin pjesë e seancës për zgjedhjen e Thaçit president.
Deputeti Salihaj thotë se mbi deputetët e LDK-së dje u bë presion që ta votonin Thaçin dhe kur Thaçi u gjodh president, dolën nga salla pa duartrokitur dhe kokëulur.
Ky është postimi i plotë i Salihajt:
“NJË PËRGJIGJE PËR NJË POSTIM
Dje,kur po mbahej seanca e zgjedhjes së Thaçit president,disa nga ne deputetët nuk ishim aty,sepse na thirri ndërgjegja jonë dhe zëri e elektoratit të LDK-së,të cilit i ishim betuar sa e sa herë se kurrë nuk do të bëjmë koalicion me PDK-në dhe kurrë nuk nuk do ta votojmë Thaçin president. Siç e dinë të gjithë, LDK-ja gjithmonë e ka mbajtur Thaçin përgjegjës për vrasjen e njerëzve më mirë e më atdhetarë të LDK-së dhe të Kosovës. Kur rezultati nuk po shkonte në favor të zgjedhjes së Thaçit president dhe deputetët e LDK-së po mundoheshin të luftonin me ndërgjegjen e tyre,përnjëherë u zbraz salla e kuvendit dhe nuk mbeti asnjë deputet aty. Ku shkuan,ku i dërguan,a i zuri peng SHIK-u diku në një skutë të kuvendit dhe po u kërcënohej se do t’ua bënte më zi se atyre tjerëve ? Megjithatë, në fund u kthyen,ndonëse me fytyra të zbehura. E votuan Thaçin me shumicë dërmuese votash.I lumtur per këtë,i pari ia uroi Isa Mustafa,kryetari i LDK-së. Deputeteët e LDK-së dolën nga salla pa duartrokitur dhe kokulur. Por, thashë, së paku,mirë që janë gjallë. Se fytyra nuk i bie copë askujt,thotë populli.” (sic.), ka shkruar Salihaj.
