Në Shqipëri, mesazhe kërcënuese “në emër të Allahut” kanë mbërritur sot në adresën private të emailit të ministrit të Brendshëm, Saimir Tahiri.
Ato pasojnë sulmet terroriste, që kanë ndodhur mbrëmë në Paris. Nën emrin Brigadat e Kuqe, teksti i mesazhit nis me kërcënimin “Tani e keni radhën Ju!”
“Do dridheni dhe do të gjunjëzoheni para Allahut”, thekson mesazhi, i cili mbyllet me thirrjet “Allahu Ekber! Allahu është i madh!”.
Shqipëria është ndër vendet që i është bashkuar që herët koalicionit ndërkombëtar në luftë kundër terrorizmit.
Autoritetet shqiptare kanë njoftuar sot se pas ngjarjeve të mbrëmshme në Paris, janë shtuar masat e sigurisë.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
