Ylli i popit Rita Ora ka zbuluar se të bërit muzikë ka pasur me të vërtetë një ndikim të qëndrueshëm në jetën e saj.
Sipas Popsugar Australia, gjatë një shfaqje të fundit për “Nova’s Red Room” në Sydney, 30-vjeçarja tha se muzika ‘ia shpëtoi jetën’, shkruan DailyMail.
Në fakt, ajo tha se kompozimi i një prej hiteve të saj më të mëdha në karrierë, “Let You Love Me”, ishte një nga ‘momentet përfundimtare në jetën e saj’.
“Ishte një kohë kur njerëzit ishin në rregull me të kuptuarit e frazës që: ‘në rregull kështu që nëse nuk mund ta dua veten, si do ta lejoj dikë tjetër të më dojë?’”, tha ajo.
“Duhet kohë që njerëzit të arrijnë në atë vend në jetë. Disa njerëz e marrin atë më herët se të tjerët, disa njerëz e marrin atë më vonë. E imja ishte pak vonë, më mirë vonë se kurrë”, theksoi këngëtarja shqiptare.
“Ishte mirë për mua dhe kjo është arsyeja pse muzika më shpëtoi jetën në shumë mënyra, në shumë mënyra të ndryshme”, thotë ajo.
Dhe duket se puna e saj e vështirë është paguar – pasi albumi i saj i vitit 2018, “Phoenix” është certifikuar me pllakatën multi-platin në Australi.
Të martën, ajo festoi momentin kryesor të karrierës duke marrë pjesë në një ngjarje të veçantë në ‘Warner Music Australia’ për të shënuar rastin.
Rita, e cila është aktualisht në Australi për punë ndërsa po merr pjesë si anëtare e jurisë në “The Voice”, gjithashtu tha se ajo është mësuar aq shumë me jetën në kontinentin e largët, sa nuk ‘dëshiron të largohet’.
