Rikthimi fitues i Stephen Curry-it. Ylli i Warriors hodhi pas shpine dëmtimin e pësuar disa javë më parë duke udhëhequr Golden State Warriors drejt një fitoreje shumë të rëndësishme në shtëpinë e Portland. Që kampionët në fuqi të Nba kishin nevojë për yllin e tyre kjo u kuptua në ndeshjen e tretë të serisë gjysmëfinale, Trail Blazzers që mundën lehtësisht Warriors. Por me Curry-in në parket skuadra nga Oregoni e kishte të qartë që do të ishte një tjetër histori dhe kështu ndodhi pasi 28-vjecari nga Akron realizoi plot 17 pikë vetëm në overtime duke i hapur rrugën fitores së Golden State me shifrat 132-125 pas kohës shtesë. Një sukses që e coi në 3-1 serinë në favor të Warriors me skuadrën nga Okaland që mund të mbyllë gjithcka në gjysmëfinalen e Perëndimit ndaj Portland nëse fiton ndeshjen e 5-t që do të zhvillohet në Oracle Arena. 40 pikë realizoi në total Curry ndërkohë që i ndihmoi të tijët edhe me 8 asiste e 9 rebound. Në krahun tjetër Damian Lillard bëri maksimumin por nuk mundi të evitonte dot humbjen për Trail Blazzers. Ylli i Portland e mbylli ndeshjen me 36 pikë, 10 asiste dhe 6 rebound. Spektakli ishte prezent në Moda Center që nga fillimi e deri në fund me kohën e rregullt që përfundoi në barazim 111-111. Për të kuptuar madhështinë e Curry-it dhe rëndësinë që ka ai te Golden State mjafton të shohësh se cfarë ndodhi në shtesë, me 28-vjecarin që realizoi 17 nga 21 pikët e skuadrës së tij në këtë 5 minutësh, me miqtë që festuan në fund fitoren e 3-të në serinë ndaj Portland.
