Në Komunën e Gjilanit ka përfunduar numërimi i të gjitha votave, duke konfirmuar fitoren e Alban Hysenit nga Lëvizja Vetëvendosje (VV) me një rezultat bindës.

Sipas të dhënave zyrtare të publikuara nga Komisioni Qendror i Zgjedhjeve, Hyseni ka marrë 49.79% të votave, që përkthehet në 21,463 vota.

Në vendin e dytë është renditur kandidati i Lidhjes Demokratike të Kosovës (LDK), Arbër Ismajli, me 34.24% ose 14,761 vota.

Pas tyre, Riad Rashiti nga Partia Demokratike e Kosovës (PDK) ka marrë 12.23% të votave (5,273 vota), ndërsa Nazim Gagica nga AAK ka siguruar 1.96% (843 vota).

Isa Agushi nga Bashkimi për Ndryshim Anamorava ka marrë 1.44% (622 vota), dhe Ilir Poroshtica nga GUXO ka përfunduar me 0.34% (146 vota).

Në Gjilan janë numëruar 133 nga 133 qendra të votimit, pra 100% e votave, ndërsa pjesëmarrja ka qenë 39.97%, me 43,108 votues nga 107,858 të regjistruar.

Me këtë rezultat, Alban Hyseni e Vetëvendosje e sigurojnë një fitore të qartë në Gjilan, duke konsoliduar pushtetin lokal dhe konfirmuar mbështetjen e qytetarëve në zgjedhjet lokale të 12 tetorit 2025.