Zëdhënësi i Komunës së Prishtinës, Erzen Vraniqi, i cili njëherësh është aktivist i lartë i Vetëvendosjes, ka reaguar ndaj shkrimit të Gazetës Express rreth lejës së dhënë nga babai i tij për ndërtimin e Kishës serbe në oborrin e Universitetit të Prishtinës.
Hamdi Vraniqi, si zyrtar i lartë pas suprimimit të autonomisë së Kosovës, kishte dhënë leje për ndërtimin e kësaj kishe – e cila ndryshe njihet si Kisha e Sllobodan Millosheviqit. Natyrisht, Erzen Vraniqi nuk ka mundur të thotë asgjë rreth kësaj. “Shpifjet, insinuatat dhe sulmet në përgjithësi ndaj meje dhe familjes time nga Expressi dhe të tillët si ata, veç sa më japin të kuptoj që jam në rrugë të drejtë. Do ta kisha hall të më lavdërojë Expressi jo të më shajë. Se kush po nënshkruan e kush po falë toka e ka kuptuar gjithë populli, prandaj kot fshiheni pas Sava Janjiqit!”, shkruan ai.
E për të shkuar gallata deri në fund, Erzeni, djali i Hamdiut që dha lejen për ndërtimin e Kishës së Millosheviqit, e bën edhe një deklaratë të sertë patriotike.
“Për Expressin dhe padronët e tyre e kam vetëm një porosi: Kosova do t’i bashkohet Shqipërisë! Ky është vullneti i popullit, kurse ne jemi infrastruktura e këtij vullneti!”.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
