Kryeministri Edi Rama, gjate nje konference te perbashket shtypi, me homologun e tij italian Matteo Renzi, i cili ndodhet per nje vizite zyrtare ne Tiranes./r/n/r/nPrime Minister Edi Rama, during a press conference with Italian counterpart Matteo Renzi, who is on an official visit in Tirana.
Kryeministri i Shqipërisë, Edi Rama, ka uruar nëntëvjetorin e pavarësisë së Kosovës duke thënë se kjo ditë nuk është e bekuar vetëm për shqiptarët, por edhe për serbët e Kosovës.
Rama uruar edhe lirimin e ish-kryeministrit Ramush Haradinaj, i cili po mbahet në Francë që nga 4 janari, kur u ndal në bazë të një fletëarresti të lëshuar nga Serbia në vitin 2004.
Kryeministri shqiptar sot mori pjesë në mbledhjen solemne të Kuvendit kushtuar 9-vjetorit të Pavarësisë dhe pas mbledhjes për gazetarët ka thënë se është i nderuar që është në Prishtinë për nder të kësaj dite, por shton se pa praninë e Haradinajt kjo ditë ka mungesë.
“Gëzuar të gjithëve këtë ditë. Përvjetor më një peshe të jashtëzakonshme sepse ende janë të freskëta ditët e vështira. Uroj kthimin sa më të shpejtë në shtëpi të Ramush Haradinajt. 17 shkurti duhet të konsiderohet ditë e bekuar jo vetëm për shqiptarët, por edhe për serbët sepse dita ditës Kosova po tregon shembull rrezatues të bashkëjetesës. Është gjithmonë kënaqësi e veçante të jem në Prishtinë dhe është nder të jem në ceremoninë e ditës më të rëndësishme të Kosovës”, ka thënë Rama, raporton Koha.net.
