Festimi i Vitit të Ri, është një prej ahengjeve më të mëdha të vitit,  andaj një qytezë australiane, ka tri herë më shumë arsye për të festuar.

Cameron Corner është në kufi me Queensland, New South Wales dhe South Australia, afro 1,300 kilometra afër Brisbanes – kryeqytetit më të afërt, transmeton Telegrafi.

Për shkak të pozicionit unik, qyteza ndodhet në mes të tri zonave kohore, që janë për 30 minuta njëra pas tjetrës.

Kjo u mundëson banorëve, që të shkojnë në kënde të ndryshme dhe për çdo gjysmë orë, të numërojnë së prapthi dhe të festojnë arritjen e vitit të ri.

Kufiri mes tri shteteve

Megjithëse ka vetëm dy banorë të përhershëm, Cameron Corner mbushet me njerëz në fund të vitit, që mblidhen për të festuar.

Për Fenn Miller, që është një prej banorëve, thotë se Vitit i Ri, është data më e rëndësishme e kalendarit në tërë rajonin.

“Së pari mblidhemi në këndim e New South Wales dhe të gjithë festojmë deri në arritjen e Vitit të Ri. Pas gjysmë ore shkojmë në South Wales, teksa gjithçka e përsërisim gjysmë ore më vonë në Queensland” ka thënë Miller. Kjo nuk është e vetmja veçanti e kësaj qyteze australiane.

Megjithëse vetëm me dy banorë të përhershëm, Cameron Corner e ka licencën e Queenslandit për të prodhuar alkool, shfrytëzon kodin postar të New South Wales, ndërsa prefiksin telefonik e ka nga South Australia. /Telegrafi/