Qytetarë shumtë, anëtarë të shoqërisë civile dhe aktivistë të lëvizjes Vetëvendosje kanë protestuar të hënën në Prishtinë, me moton “Drejtësi për Astritin”.
Në këtë protestë u kërkua që drejtësia të vihet në vend dhe një hetim i pavarur lidhur me vdekjen e Astrit Deharit.
Aktivistja e shoqërisë civile, Besa Luzha tha se ministrja e Drejtësisë, drejtori i burgut, gardianët, etj, duhet dhënë përgjegjësi.
Ajo në emër të protestuesve kërkoi një hetim të pavarur lidhur me vdekjen e Astrit Deharit.
Astrit Dehari, aktivist i Lëvizjes Vetëvendosje vdiq më 5 nëntor në rrethana të paqarta në Qendrën e Paraburgimit në Prizren ku po mbahej nën dyshimet për sulmin e 4 gushtit në Kuvendin e Kosovës. /Telegrafi/
