Qytetarët po kërkojnë nga Qeveria e Kosovës që të merret me sektorin privat, duke krijuar lehtësira për bizneset në mënyrë që të ketë rritje të pagave.
Kjo pasi sipas tyre, sektori privat është në gjendje jo të mirë dhe me paga shumë të vogla. Disa qytetar që u prononcuan për Ekonomia Online duke komentuar paralajmërimin e Qeverisë për rritje pagash nga viti i ardhshëm për sektorin publik, thanë se rritja e paralajmëruar është e pa mjaftueshëm.
Qaush Bajrushi, tha se paralajmërimi i Qeverisë është i mirëpritur por që pagat duhet të rriten edhe në sektorin privat.
“Hera e parë që është rritja e rrogave me koeficient për të ardhurat. Ajo është një e mirë shumë po nuk mjafton vetëm në këtë sektorin, duhet edhe në sektorin privat ata janë duke i dëmtuar shumë punëtorët me rroga minimale. Kemi raste kur i paguajnë vetëm 200 euro në muaj, që janë të pa mjaftueshëm për një familje”.
“Qeveria nuk ka të bëjë shumë me privatin por që duhet që të iu imponojë rritjen. Pensionerët janë në pozitë të keqe, përpiqem që të jem korrekt pensionet na ka marrur Serbia, unë është dashur që ti kem minimun 1000 euro pensionin të punës time sepse i kam pasur të ardhurat personale të larta, mirëpo i vetëdijshëm që ato i ka marr Serbia a i kthen ndonjë herë a jo nuk e di. Kurti me pas mundësi ja bënë të gjithëve 1000 euro, por janë mundësit e kufizuara”, ka thënë ai.
Sylejman Mushiqi, qytetar nga Prishtina, ka thënë se duke marr parasysh inflacionin dhe rritjen e madhe të çmimeve të produkteve bazë, rritja e pagave duhet që të behët në të gjithë sektorët.
“Të gjithë sektorët duhet me qenë rritja, rritja e inflacionit që është bërë, shtrenjtimi që është bërë duhet me qenë rritja e pagave për të gjitha sektorët. Çfarë të bëjnë pensionistët me 120 euro, 20 euro i ka rritur çka të bëjë me to. 100 euro kushton me bërë vetëm një analizë te mjeku, e ilaçet si me i marr. Shtrenjtimin është bërë si te ushqimi si teke të gjitha. InshAllah vjen nja ma i mirë se ku nuk ka bërë as gjë, as në shëndetësi, as në arsim as gjë hiq”, ka thënë ai.
Bajram Kastrati, tha se Qeveria aktuale gjithë energjinë e saj është duke e shpenzuar në Mitrovicën e veriut, e sipas tij, gjërat kryesore janë lënë pas dore.
“Ma mirë është ata ta pyesin se krejt energjisë është duke e shpenzuar në Mitrovicë, duke e mbajtur si protekst e që ti harrojmë këto dallaveret e tyre që jemi duke i bërë. Kjo marre është çka është duke ju bërë popullit kështu”, ka thënë ai.
