Anëtari i AAK-së, Haki Abazi po thotë se mesazhet e ndjeshme të Lidhjes Demokratike të Kosovës, u nxorën publikisht nga një tjetër subjekt partiak.
Sipas tij, kjo erdhi pasi Lëvizja Vetëvendosje potencialisht ka akses në diskutimet e tilla.
”Mendoj që edhe këto goditje ndaj LDK-së, i ka vet përbrenda Vetëvendosja është duke i qitë”.
”Tentimi i hedhjes së këtyre mesazheve në publik, është të fragmentojë LDK-në. Janë institucione që përcjellin komunikimet”.
”Janë mekanizmat, që po i përdorin”.
Ndër tjera, Abazi u shpreh i bindur se Kurti s’i ka votat për formimin e qeverisë së re, dhe këtë e dëshmon një takim i tij i sotëm.
”Takimi me Emilia Rexhepin është dobësia e zinxhirit për me tregu se Kurti në pozicionin që është, është se minoritetet, shkojnë gjithmonë me shumicën”.
”Ideja është që ‘po fillojë me diskutu’, por e qartë është që nuk i ka votat e mjaftueshme për qeveri”.
”Do përdorë algoritmin e jashtë, në kuptimin që nëse bie dikush në peshkimin e tij në tipin e fenomenit siç ka bërë Adelina Grainca, herën e kaluar, nëse jo atëherë do e prolongojë procesin kështu siç ka bërë”.
