Nga Xhevat Meha
Kushdo që sadopak ka përcjell zhvillimet politike në Kosovë e di se Hashim Thaqi çdoherë ka qenë konfliktuoz e nxitës konfliktesh dhe asnjeherë nuk ka qenë faktor i unitetit politik në Kosovë. Ky fakt e bën Hashimin të përjashtuar nga mundësia për t’u bërë President i Kosovës.
Hashim Thaqi as nuk është dasht që të zgjedhet President i Kosovës dhe as nuk është dasht dhe nuk duhet të mahet President i Kosovës. Hashim Thaqi nga vera e vitit të kaluar kur doli shpluar me nisma politike që shtyejn përpara agjenden e interesave të Serbisë në Kosovë ështe dasht që nga institucionet e Kosovës të shkarkohet.
Shtyerja përpara e agjendës së interesave të Serbisë në Kosovë ëshë dëmtim i rëndë i interesave të Kosovës. Hashim Thaqi duhet të shkarkohet për dëmtim të rëndë të interesave të Kosovës.
Hashimi nuk është shkarkuar dhe nuk shkarkohet për një arsye të vetme: strukturat e mshefta serbe në Kosovë e kanë bërë president dhe po këto struktura janë duke e mbajtur president.
Mund të bëhet list e gjatë e arsyeve se pse Hashimi duhet të shkarkohet nga ky funksion politik. Une po ndalem vetëm në një që është pëmbledhës: fillimi i kthimit të besimit në institucionet e Kosovës nga popullësia e Kosovës në përgjithësi dhe nga rinia e Kosovës në veçanti.
Përmasat masive të ikjes së rinisë së Kosovës nga Kosova e bëjnë shkarkimin e Hashim Thaqit nga funksioni politik i Presidentit të Kosovës domosdoshmëri urgjente. A mund dikush të më gjej një të ri që Kosovën e sheh si vend ku dëshiron të ndërtoj të ardhmen e tij/saj?
Përmasat e ikjes së rinisë së Kosovës nga Kosova bëjnë që institucionet e Kosovës ta shkarkojnë Hashimin jo me vonë se tani. Nëse institucionet e Kosovës nuk e shkarkojn Hashimin tani do të jenë protestat e gjithëmbarshme popullore që do t’i detyrojn institucionet e Kosovës që të kryejn shkarkimin.
Të gjitha partite politike të Kosovës që pretendojnë se përfaqësojnë interesat e Kosovës kanë detyrim politik që të kryejn veprimet e nevojshme për të shkarkuar Hashim Thaqin. Në mënyrë të veçantë detyrimi politik për shkarkim bie mi PDK-në si parti politike nga e cila vjen Hashimi, si dhe mbi LDK-në e cila e votoj Hashimin president.
Kosovës i duhet ndryshim, dhe atë edhe ndryshim i gjerë edhe ndryshim i thellë. Shkarkimi i Hashimit nga funksioni që ka do të shërbej si fillim i punës ndryshe të institucioneve të Kosovës. Shkarkimi i Hashimit sigurisht se do t’i bëj veçanërishtë të rinjtë që të fillojnë të besojn se në Kosovë nuk ka të paprekshëm.
