Seanca e parë e këtij viti që ka me u mbajtë nesër, pritet me u shoqnue prapë me protesta. Jo vetëm deputetët opozitarë kanë me protestue mbrenda sallës së Kuvendit, por edhe simpatizues të saj, kanë me dalë para Kuvendit.
Qëllimi i protestës asht kundërshtimi i zgjedhjes së mundshme të Hashim Thaçit President, gjatë seancës së nesërme, edhe pse nji ditë ma parë, Kryetari i Kuvendit Kadri Veseli deklaroi nga Brukseli se Presidenti nuk zgjidhet këtë javë.
Këtë iniciative të quejtun “Thuaj JO, Hashim Thaçi për president”, e ka hapë nji faqe e quejtun Protesta VV, e cila asht funksionale që nga 19 Nandori i vitit të kaluem, pra 9 ditë para protestës së parë zyrtare të organizueme prej Opozitës.
Televizioni Rrokum kontaktoi me administratorin e kësaj faqe. Meqë në emnin e tyne janë edhe inicialet e Lëvizjes Vetëvendosje [VV], na i pyetëm se a janë aktivistët e VV’s në krye të kësaj nisme, e ata u përgjigjen.
“Ne jemi simpatizues, protesten e neserme nuk e kemi organizuar ne por opozita”
Edhe zadhanësja e Vetëvendosjes, Tinka Kurti përmes telefonit u përpoq me tregue se iventi i krijuem në Facebook nuk asht ba nga Lëvizja Vetëvendosje, ani pse edhe ajo pranon se nesër kanë me qenë aty edhe struktura të partisë.
Mirëpo se kjo protestë e nesërme asht thirrë nga opozita, e mbështetë edhe kërkesa që u ba në fund të protestës së djeshme nga zyrtari i Vetëvendosjes, Valdrin Ahmeti, i cili udhëhoqi tubimin e djeshëm të opozitës.
E se çka ka me ndodhë nesër në seancën e Kuvendit, dhe cka kanë ndërmend të bajnë protestuesit e mbledhun, kemi me e pa veç nesër.
E.K.
18 Fror 2016 20:11
