(E plotësuar) Protesta kundër kandidaturës së Vuk Jeremiqit për sekretar të përgjithshëm të OKB-së, ka përfunduar.
Ata do t’i shkruajnë letër OKB-së dhe shteteve anëtare për të shprehur indinjatën për kandidimin e Vuk Jeremiq në krye të OKB-së.
Protestuesit thanë se Kosova nuk do të hesht pasi Serbia ende nuk ka kërkuar falje për krimet, dhunimet dhe shkatërrimin që ka bërë gjatë luftës.
…
Deputetë të PDK-së e të LDK-së, aktivistë të lëvizjes Vetëvendosje, aktivistë të shoqërisë civile e qytetarë janë bashkuar në protestën që ka nisur në Sheshin “Zahir Pajaziti” në Prishtinë, për të kundërshtuar emërimin e Vuk Jeremiqit për sekretar të përgjithshëm të OKB-së.
“Serbina nuk ka kërkuar falje për krimet e luftës” është panoja kryesore që po mbajnë në duar protestuesit, derisa aty janë parë edhe thirrje të tjera si: “Nëna e të zhdukurve të Kosovës kundërshtojmë nominimin e Vuk Jeremiqit për sekretar të përgjithshëm të OKB-së”.
Është kujtuar gjithashtu se në Kosovë janë vrarë 11,840 persona, vazhdojnë të konsiderohen të zhdukur 1.666 dhe janë dhunuar mbi 20 mijë gra e vajza të reja, raporton Koha.net.
Organizatorët kanë thënë se nuk mundet të jetë në krye të organizatës që promovon paqen, një person i cili është i mbushur me urrejtje.
