Prokuroria e Shtetit ka hequr dorë nga ndjekja penale për deputetin e PDK-së Ilmi Reçica.
Vendimi është marrë nga prokurori Rexhep Maqedonci i cili e ka bërë publik lajmin në seancë gjyqësore në Gjykatën Themelore të Prishtinës.
Reçica akuzohej për mosdeklarim të pasurisë.
Në kopjen e aktakuzës e cila është hartuar në qershor të vitit 2015, Prokuroria pretendon se Reçica nuk i ka deklaruar në tërësi të hyrat e tij nga Kuvendi i Kosovës.
Sipas aktakuzës, në formularin e pasurisë së vitit 2013 Reçica kishte deklaruar të hyra prej 17 mijë e 760 eurove, ndërsa ishte zbuluar se gjatë atij viti Reçica kishte pasur të hyra vjetore prej 24 mijë e 56 eurove.
Vendimi i trupit gjykues pritet pas pak çastesh. /Kallxo.com
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
