Ambasada e Mbretërisë së Bashkuar në Kosovë ka njoftuar sot se Princi i Uellsit, Çarles dhe bashkëshortja e tij, Kamilla, në mars të këtij viti do ta vizitojnë Ballkanin Perëndimor përkatësisht Kroacinë, Kosovën, Malin e Zi dhe Serbinë.
“Princi i Uellsit e ka vizituar tetë herë Ballkanin Perëndimor. Kjo është vizita e parë zyrtare e Dukeshës së Cornwall në Kroaci, Kosovë, Mal të Zi dhe Serbi”, thuhet në komunikatën për media.
Në mesin e disa vizitave të realizuara në Ballkan, Princi i Uellsit, Çarles e ka vizituar Kosovën në shtator të vitit 1999.
