Volkswagen do të prezantojë në Ekspozitën e Gjenevës një makinë-koncept që do të ecë vetë, madje nuk do të ketë as timon.
E quajtur I.D. Vizzion, mjeti do të pasqyrojë idenë e kompanisë për të ardhmen, kur çdo makinë do të jetë plotësisht elektrike dhe autonome.
Mendohet se kjo makinë do të jetë e fuqishme dhe e shpejtë. Bateria e saj do të lejojë një udhëtim deri në 665 km me një karikim. Ka 302 kuaj fuqi dhe arrin një shpejtësi maksimale prej 180 km/h.
Volkswagen planifikon që të fusë në qarkullim deri në 20 makina elektrike në treg deri në vitin 2025.
Koncepti I.D. Vizzion është i katërt i një makine elektrike. Makina hyn në klasin premium me aftësi të plota vetëdrejtimi.
Në brendësi është një asistent virtual me të cilin udhëtarët komunikojnë me zë ose me gjeste.
