Drejtori i Agjencisë së Kundër Korrupsionit, Hasan Preteni në konferencën e fundit për media në këtë pozitë vlerësoi të arriturat e këtij institucioni që është themeluar tash e 10 vjet.
Preteni tha se në bazë të informatave të ndryshme kanë arritur ta parandalojnë korrupsionin duke ngritur kallëzim penal për zyrtarë të ndryshëm.
Ai tha se fusha ku ka korrupsion është sektori i prokurimit, transmeton kp. Sipas tij vlera e mjeteve financiare e parandalimit të korrupsionit është 108 milionë euro. Preteni tha se kanë ngritur mbi 1 mijë e 500 kallëzime penale për korrupsion.
