Presidentja e Republikës së Kosovës, Vjosa Osmani, gjatë qëndrimit të saj në Emiratet e Bashkuara Arabe, është takuar me Ministrin e Jashtëm të Vanuatus, Marc Ati.
Presidentja Osmani njoftoi se në këtë takim u shkëmbyen pikëpamje mbi zhvillimet globale, si dhe u diskutuan mundësi konkrete për thellimin e bashkëpunimit ndërmjet Kosovës dhe Vanuatus.
Ajo theksoi se Kosova po vazhdon të zgjerojë rrjetin e saj të miqve dhe partnerëve në arenën ndërkombëtare, duke forcuar lidhjet diplomatike me shtete nga rajone të ndryshme të botës.
