Marrë parasysh faktin se kryeqendra ka filluar të gravitohet nga një numër i konsiderueshëm i qytetarëve dhe automjeteve, policia ka filluar me bllokime të pjesshme dhe ri drejtime të trafikut në disa segmente rrugore të qytetit.
Në këtë kontekst rreth orës 13:30 në rrugën “ Kosta Novakoviq “ në Prishtinë, gjatë një kontrolli të ushtruar ndaj një automjeti të tipit BMW, ngjyrë e zezë me targë Kosove, policia ka gjetur dhe ka sekuestruar një bidon me benzinë, si dhe, një shkop bejsbolli për të cilat policia ka ngritur dyshime se të njëjtat mund t’ jenë destinuar për përdorim në ndonjë aktivitet të dhunshëm.
Në momentin e ndalimit të veturës pesë persona ishin prezent në të, të cilët menjëherë janë shoqëruar në stacionin policor.
Aktualisht policia është duke punuar për të sqaruar dhe ndriçuar të gjitha rrethanat qe e karakterizojnë këtë rast. /Telegrafi/
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
