Sonte përballen PSG dhe Brest.
Paris Saint-Germain është mysafir i Brest në ndeshjen që zhvillohet sonte nga ora 21:00.
As në këtë ndeshje nuk do të jetë i gatshëm të debutoj Leo Messi, megjithatë edhe pa të gjiganti francez e ka nisur mirë sezonin me dy fitore në dy ndeshjet e para.
Trajneri Mauricio Pochettino e ka cilësuar këtë ndeshje që duhet të fitohet patjetër.
Përballja ndaj Brest: “Të gjitha ndeshjet janë shumë të vështira. Ne kemi respekt për secilin kundërshtar. Ne fituam me vështirësi dy ndeshjet e para. Takimi kundër Brest do të jetë gjithashtu i vështirë. Është një skuadër që dëshiron të luajë futboll të mirë”.
“Të gjitha skuadrat janë të motivuara kur bëhet fjalë për përballjen me Paris Saint-Germain. Prandaj ne do të duhet të jemi të përqendruar dhe të bëjmë punën tonë. Ne do të duhet të fitojmë këtë ndeshje për të vazhduar fillimin tonë të mirë të sezoni”.
Fillimi i sezonit: “Unë pashë shumë gjëra pozitive, dhe disa pika ku mund të përmirësohemi. Prandaj është e rëndësishme të rishikojmë ndeshjet tona sepse ne ende duhet të përmirësohemi, por ne jemi të fokusuar.
“Gjëja më e rëndësishme është të përpiqesh të ndërtosh një ekip të bashkuar, të fortë, është një sfidë e madhe, ju duhet t’i vendosni të gjithë në të njëjtën rrugë. Jam padyshim i kënaqur me ekipin, ku ka talentë të jashtëzakonshëm. Ne duhet të përpiqemi të ndërtojmë diçka të veçantë që do të na bëjë të fitojmë”.
Integrimi në ekip i transfereve të reja: “Nuk është e vështirë të integrosh futbollistët të cilët janë disa nga lojtarët më të mirë në botë dhe që kanë shumë talent. Prandaj, lidhja është vërtet e shpejtë.
“Futbolli është një gjuhë. Ne kemi nevojë për organizim, kur e kemi topin dhe kur nuk e kemi, po shoh bashkëpunim të mirë në stërvitje, një dëshirë për të bërë gjëra së bashku. Sfida tani është ta bëjmë atë në një ndeshje”, përfundoi Mauricio Pochettino.
