Platini kërkon presidencën e FIFA-s

E publikuar: 30/04/2016 11:59
Rreshtat+- AShkronjat+- Printo

Michel Platini nuk heq dorë nga posti i presidentit të FIFA-s. Në momentin që paraqiti apelimin e tij në Gjykatën e Arbitrazhit Sportiv në Lozanë për përjashtimin nga futbolli për një periudhë 6-vjecare, ish presidenti i UEFA-s bëri të ditur se posti i presidentit të FIFA-s është objektivi i tij në një të ardhme shumë të afërt.

“Mendoj se do të jem president i FIFA-s duke filluar që prej muajit Qershor”.

Një deklarat e guximshme nga Platini, që duket se mbështetet pikërisht te siguria e tij se do të arrijë të fitojë cështjen në Gjykatën e Lozanës.

“Unë kam qenë gjithmonë shumë i qartë sa i përket cështjes sime. Është e vërtetë që unë kam punuar për Fifën dhe kam marrë një pagesë për punën e bërë, por njëkohësisht kam paguajtur të gjitha taksat. Pas tetë vjetësh u përmendën shumë gjëra, dhe detaje që nuk kanë shumë lidhje me cështje. U akuzova se kam patur konflikt interesi por përsa më përket mua unë besoj se kam qenë i pastër dhe konkret në gjithcka që kam deklaruar dhe se nuk ka patur kurrfarë konflikti interesi në këtë cështje.”

Në zgjedhjet e mbajtura pak muaj më parë, Gianni Infantino u zgjodh presidenti i ri i Fifa-s, por Platini shpreson që në rast pafajësie të kërkojë një tjetër proces zgjedhor nga ana e qeverisë së futbollit botëror.