Los Angles Lakers është njëra nga skuadrat me historinë më të madhe në NBA.
Por në vitet e fundit skuadra nga Kalifornia nuk ka shkëlqyer duke qenë ndër ekipet më të dobëta.
16 herë kampionët e NBA janë skuadra me më së shumti humbje në pesë vitet e fundit.
Këtë edicion Lakers kanë marrë në radhët e veta njërin nga basketbollistët më të mirë të të gjitha kohërave LeBron James dhe skuadra nga Kalifornia synon rikthimin në Play Off.
Kyle Kuzma dhe LeBron James. (Foto:Sarah Stier/Getty Images/Guliver)
‘Fadeawayworld’, ka publikuar pesë ekipet me më së shumti humbje në NBA në pesë vitet e fundit.
Vendi i parë i takon Lakers me 313 humbje në total nga edicioni 2013/14.
Në pozitën e dytë ndodhet një tjetër skuadër që e ka shijuar titullin e kampionit më parë, New York Knicks.
Knicks kanë pësuar tri humbje më pak se Lakers nga edicioni 2013/14 dhe synojnë që nga edicioni i ardhshëm të ndërtojnë një ekip konkurruese.
Orlando Magic ndodhet në pozitën e tretë me 305 humbje në total, ndërsa një më pak ka pësuar Philadelphia 76ers.
76ers në dy edicionet e fundit janë duke qëndruar mirë në Konferencën e Lindjes, ku këtë vit janë ndër ekipet favorite për ta fituar titullin e kampionit.
Ndërkohë ekipi i pestë me më së shumti humbje është Phoenix Suns, që në pesë vitet e fundit ka pësuar 302 humbje. /Telegrafi/
1. Los Angeles Lakers – 313 humbje
Los Angeles Lakers. (Foto: Thearon W. Henderson/Getty Images/Guliver)
2. New York Knicks – 310 humbje
New York Knicks. (Foto: Sarah Stier/Getty Images/Guliver)
3. Orlando Magic – 305 humbje
Orlando Magic. (Foto: Harry Aaron/Getty Images/Guliver)
4. Philadelphia 76ers – 304 humbje
Philadelphia 76ers. (Foto : Rob Carr/Getty Images/Guliver)
5. Phoenix Suns – 302 humbje
Phoenix Suns. (Foto: Christian Petersen/Getty Images/Guliver)
