Çështja e personave të zhdukur gjatë luftës së fundit në Kosovë, nuk i shqetëson vetëm institucionet e vendit, por edhe ato të Serbisë.
Këtë koment e ka bërë Presidenti Hashim Thaçi, i cili në forumin “Fol Hapur”, të Lëvizjes FOL ka thënë se edhe Kosovës po i kërkohet nga bashkësia ndërkombëtare që ta zgjidhë çështjen e të pagjeturve dhe se vendi duhet të punojë në këtë drejtim.
“Çështja e personave të pagjetur, që është preokupim për ne, por edhe për Beogradin. Askush nuk dëshiron të krijojë paralele se kush ka krijuar dhunë, edhe Beogradi dhe bashkësia ndërkombëtare kërkon nga ne të jemi më aktiv, duhet të japim përgjigje vendimtare për çështjen e të zhvendosurve dhe të krijohen mundësitë që ata që duan, të kthehen në pronat dhe shtëpitë e tyre”, ka deklaruar Thaçi.
