Dihet se me këtë rast nuk duhet përmendur vetëm e vetëm që jemi të preokupuar me kujdesin për fëmijën tonë, gjë që merr një pjesë goxha të madhe të kohës dhe të energjisë. Në cilësinë e keqe apo edhe në mungesën e seksit pas lindjes së fëmijës ndikojnë disa faktorë.
Pesha e shtuar trupore gjatë shtatzënisë
Është kjo dukuria më e shpeshtë me të cilën pas lindjes i ngarkon një numër të madh femrash. Është e vërtetë që menjëherë pas lindjes humbet pesha trupore, mirëpo as për së afërmi nuk arrihet në formën e tillë siç ka qenë më parë.
Pamjen që e shohim në pasqyrë tek ne zgjon dyshimin se a jemi akoma joshëse për partnerin tonë.
Mirëpo, kësaj pyetje është e vështirë t’i gjendet përgjigjja … gjithsesi me kujdesin ndaj vetes, pra me rekreacion të rregullt dhe me ushqim të shëndetshëm, do të kthejmë vetëbesimin.
Pra, jini të bindura që pamjen që e shihni në pasqyrë gjithnjë e më shumë do t’ju pëlqejë, mbase edhe më shumë se më parë.
Ndërkaq, duke pasur parasysh që rekreacioni i rregullt i përditshëm kërkon kohë, është mirë që edhe partneri të marrë pjesë në kujdesin ndaj fëmijës dhe në punët e shtëpisë.
Me ndarjen e punëve që të dy do të mësoni të gjitha karakteristikat e të qenit prindër, por megjithatë do të keni kohë edhe për veten, gjë që përfundimisht do t’i kontribuoni edhe përmirësimit të jetës tuaj seksuale.
Depresioni pas lindjes
Shumë më tepër kujdes sesa vetëm numërimit të kilogramëve të tepërt, kërkon kujdes serioz dhe gjithnjë e më të shpeshtë gjendja pas lindjes, e cila manifestohet me ndryshimet e papritura të humorit, sjelljes dhe me mungesën e afshit seksual.
Roli i nënës
Disa meshkuj me vetë faktin që partnerja e tyre është bërë nënë, humbin dëshirën për seks me të. Për arsye akoma të panjohura ndryshojnë qëndrimin ndaj saj dhe më nuk e dashurojnë.
Zgjidhja e problemit bëhet me komunikim të hapur, mirëpo nëse nuk rezulton me sukses, është mirë që partneri juaj të shkojë për t’u vizituar te psikologu apo psikiatri, të cilët me ndihmën profesionale do të dinë të kërkojnë shkakun dhe daljen nga situata e krijuar.
Humbja e libidosë
Gjatë kohës së shtatzënisë dhe pas saj humbja e libidosë është dukuri e shpeshtë. Rreth kësaj çështjeje nuk duhet të ngrihet alarmi, sepse kur trupi të rigjenerohet nga stresi që e ka shkaktuar lindja, çdo gjë do të jetë si më parë.
Faktorët e sipërpërmendur, pos mungesës së kohës, mund të përkeqësojnë edhe jetën tuaj seksuale dhe të rrënojë cilësinë e partneritetit. Mjeti i suksesshëm për zgjidhjen e problemit të këtij lloji është qëndrimi i hapur dhe komunikimi i mirë.
Gjeni kohë edhe për veten edhe për momente të përbashkëta, sepse kështu do t’i kontribuoni shumë marrëdhënies seksuale me partnerin dhe do të jeni të kënaqur, gjë që është elementi kryesor i të qenit prindër të suksesshëm.
