Kryetari i Prishtinës, Përparim Rama ka publikuar fotografi nga Qendra Kryesore e Mjekësisë Familjare në kryeqytet për të treguar kushtet e mira brenda.
Ky reagim i Ramës vjen pasi një postim në Facebook i Aulona Memetit, një qytetareje, mori vëmendjen e masës, pasi denoncoi kushtet e këqija në Klinikën e Pediatrisë në Qendrën Klinike Universitare të Kosovës. Një ditë më pas ajo tha se ndjeu presion nga zyrtarë të institucionit.
Përparim Rama shkroi në Facebook:
Pediatria në Kryeqyteti Prishtina
Kur punohet për qytetarët e jo për pushtet, ndryshimi nuk ka nevojë për fjalë. Ai shihet në çdo shërbim dhe përjetohet nga çdo familje që hyn në këto hapësira në Qendrën Kryesore të Mjekësisë Familjare në Kryeqytet.
Ky është standardi që ndërtojmë në Kryeqytet, institucione publike moderne, funksionale dhe në shërbim të secilit qytetar.
