Nikoqiri i kampionatit evropian të futbollit, Franca e ka mundur Rumaninë me rezultatin 2 me 1 mbrëmë në ndeshjen që e hapi Euro 2016.
Nën frikën e sulmeve terroriste, shteti francez ka angazhuar rreth 90 mijë policë, ushtarë dhe roje private që të ofrojë siguri në 10 qytetet ku do të mbahen ndeshjet e futbollit.
Sot ndërkaq luhen tri ndeshje, Shqipëria përballet me Zvicrën prej orës 15, Uellsi me Sllovakinë prej orës 18, ndërsa Anglia do të luaj kundër kombëtares ruse me fillim prej orës 21.
