I arratisuri, Durim Lushaj, që dyshohej për vrasjen e dyfishtë në Shaptej të Deçanit është arrestuar. Policia e gjeti dhe e arrestoi tek disa familjarë të largët të tij, ku ishte strehuar.
Ndërkohë, viktimat Burim e Ragip Ramaj u varrosën në varrezat e fshatit ku ndodhi vrasja.
Për këtë vrasje të dyfishtë, u bë shkak një minibus, kurse familjarët e të ndjerëve thonë se me Lushajt kishin pasur probleme edhe më herët.
Tafë Ramaj thotë se qysh para dy vitesh kishte denoncuar në polici disa herë familjen Lushaj. Sipas tij, Policia e Deçanit nuk ndërmori asnjëherë asgjë.
Në policinë e Deçanit e konfirmojnë se Lushajt e Shaptejit kanë qenë të njohur për ta.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
