Presidenti Hashim Thaçi e ka ftuar zëvendëspresidentin amerikan Mike Pence që të vizitojë Kosovën.
Gjatë takimit të zhvilluar në Shtëpinë e Bardhë, Thaçi dhe Pence kanë diskutuar për krijimin e ushtrisë së Kosovës dhe fazën e fundit të dialogut me Serbinë.
“Unë edhe një herë e ftova zëvendëspresidentin Pence që ta vizitojë Kosovën. Unë shpresoj që në një të ardhme të afërt në kohë të përshtatshme zëvendëspresidenti Pence do të vizitojë Republikën e Kosovës”, tha Thaçi për televizionin publik.
Thaçi për vizitë në Kosovë e kishte ftuar edhe presidentin Donald Trump gjatë takimit që kishin më herët gjatë këtij muaji.
