Admir Mehmedi që luan me Kombëtaren e Zvicrës dhe Shkodran Mustafi, i cili luan me Gjermaninë, kanë vendosur t’i japin fund beqarisë.
Dasmat do të bëhen në Gostivar gjatë muajit korrik, pas përfundimit të Euro 2016. Burime të “Boldnews” bëjnë me dije se të dy lojtarët i kanë caktuar dasmat e tyre në një prej restoranteve më luksoze në Gostivar.
Për sa u përket datave, Mehmedi e ka caktuar ditën e dasmës më 17 korrik, kurse një javë më vonë (24 korrik) është caktuar dasma e Mustafit. E dashura e Shkodran Mustafit është nga Struga, kurse ajo e Admir Mehmedit nga Gostivari.
Pritet që në dasmat e tyre të marrin pjesë mysafirë të shumtë, mes tyre edhe emra të njohur nga fusha e sportit.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
