Ish-ministri i Jashtëm i Shqipërisë, njëherësh ministri i Shtetit për Diasporën Pandeli Majko ka thënë se deklarimi i presidentit serb Aleksandar Vuçiq për karakterizimin e marrëdhënieve me shtetin e Kosovës me statusin e konfliktit të ngrirë të Nagorno-Karabakut është i papërgjegjshëm.
Ai në një reagim në Facebook, pas deklarimeve luftënxitëse të Vuçiq, ka thënë se jeta e dyfishtë e Serbisë në marrëdhëniet ndërkombëtare është rreziku real për stabilitetin rajonal.
“Presidenti Vuçiq përcaktoi se konflikti me shqiptarët nuk ka mbaruar ende dhe e konsideron atë “të ngrirë”! Deklarimi i presidentit serb për “konfliktin e ngrirë” është shmangie e deklaratës së firmosur në Shtëpinë e Bardhë dhe procesit të integrimit evropian. Mendje të ftohta logjistike në Serbi e kuptojnë gatishmërinë e shqiptarëve në disa shtete në se dikush i shkon pas idesë së skenarit të konfliktit. Atij do t’i dihet fillimi, por jo fundi”, ka porositur Majko.
