Urimi si reagim i kryesuesit të delegacionit të Kosovës për të dialoguar me Brukselin lidhur me kartonin e gjelbër, z. Rrahim Pacolli:
Pavarësia e Kosovës po feston ditëlindjen e saj të 8 me shumë probleme e sfida në të gjitha fushat jetësore si: shëndetësia, ekonomia, bujqësia etj. Këto janë vetëm disa nga shtyllat e rëndësisë së madhe të një shteti të mirëfilltë e që fatkeqësisht tek ne nga dita në ditë ka vetëm degradime në këto e shumë fusha tjera.
Kjo sigurisht që vjen si pasoj e qeverisjeve të këqija që nga paslufta e s`këndejmi duke instaluar, korrupsionin, nepotizmin e shantazhin si armë kryesore për ta mbajt sa ma gjatë pushtetin dhe pasurimin e grupeve të ndryshme të interesit.
Kjo sigurisht që nuk është Kosova që e kemi ëndërruar. Sot si kurrë më parë Kosovës i duhet një plejadë e re politike e cila do punonte ekskluzivisht në ngritjen e vendit në nivelet më të larta kombëtare e ndërkombëtare.
Gëzuar Kosovë, dashtë zoti të mos presim më përvjetore të tilla me urime kritike për mos punë e neglizhencë, shkruan Pacolli në urimin e tij. /infosot.com/
