Presidentja e vendit, Vjosa Osmani, ka thënë se Kosova ka përmbyllur një vit përplot me aktivitete në përfaqësim të Kosovës sovrane në arenën ndërkombëtare.
Në një postim me video, në Facebook, Osmani thekson se aktivitetet do të vazhdojnë edhe në vitin 2025, gjithnjë sipas sajë mbrojtje të interesave të shtetit e të qytetarëve të vendit.
“Përmbyllëm një vit përplot me aktivitete në përfaqësim të Kosovës sovrane në arenën ndërkombëtare. Do të vazhdojmë edhe në vitin 2025 gjithnjë në mbrojtje të interesave të shtetit e të qytetarëve tanë”, shkruan Osmani në Facebook.
Osmani ka thënë se që nga fillimi i mandatit ka punuar drejt forcimit të shtetësisë së Kosovës, fuqizimit të aleancave dhe fuqizimit të pozitës së Kosovës në arenën ndërkombëtare.
“Shteti ynë edhe pse i ri ka bërë hapa të rëndësishëm në skenën globale, të përcaktuar nga aleancat strategjike dhe një përkushtim i palëkundur ndaj të drejtave universale dhe vlerave demokratike”, ka thënë Osmani.
