Presidentja e Kosovës, Vjosa Osmani, ka përkujtuar në 23-vjetorin e rënies heroin Agim Ramadani.Osmani ka thënë se Agim Ramadani është simbol i lirisë, guximit dhe përbashkimit.“Heroi Agim Ramadani është simbol i lirisë, guximit dhe përbashkimit.

Lirinë e portretizuar me vargje e brushë e bëri realitet me angazhimin e tij në UÇK, duke qenë një ndër shtyllat e operacionit ‘Shigjeta’, me të cilin u thye kufiri ndërmjet Kosovës e Shqipërisë. Në 23-vjetorin e rënies, fjalët janë të pakta në krahasim me veprën e heroit të papërsëritshëm.

Sot përkulemi para veprës së tij dhe e kujtojmë me respekt heroin që i dha kuptim dhe formë lirisë sonë”, thuhet në përkujtimin e presidentes.Po ashtu, Osmani ka theksuar se Agimi e realizoi ëndrrën për lirinë që ne të jetojmë të lirë, falë tij e bashkëluftëtarëve.

“Çdo përvjetor do të na sjellë në vëmendje vlerën e lirisë, heroizmin dhe pavdekësinë e tyre! Qoftë i përjetshëm kujtimi për heroin Agim Ramadani!”, shtoi ajo.