Studentë që kërkojnë banesa me qira, mekanikë që kërkojnë automjete apo pjesë për automjete, biznesmenë që kërkojnë prona dhe asete tjera, të pasionuarit pas aparaturave teknologjike, bujqit e interesuar për mekanizëm bujqësorë, kompani që kërkojnë punëtorë, punëtorët të profesioneve të ndryshme që kërkojnë punë etj, etj., të gjithë e gjejnë vetën tek OfertaSuksesi. Por jo vetëm këto, kur e viziton këtë web-sajt sheh shpallje me pajisje dhe produkte specifike që nuk të ka shkuar mendja se mund të gjesh në ndonjë treg.

Në këtë platformë marketingu për çdo ditë ka qindra shpallje për blerje dhe shitje. Shumë njerëz tashmë e hulumtojnë tregun për blerje aty.

Për dallim prej disa web-faqeve tjera, ku ka informacione të tilla, por ka edhe mashtrime dhe shpallje me qëllim të talljes, OfertaSuksesi është një web-faqe serioze ku ka një pjesë të angazhuar të stafit që merren çdo ditë me verifikimin dhe konfirmimin e shpalljeve të marketingut. Kjo korrektësi dhe saktësi e ka një bazë të krijuar tash e 20 vite në këtë fushë.

Tesheshi.com ka zhvilluar një bisedë me Nexhmedin Kahrimani, themelues i kësaj platforme të marketingut, e cila ka krijuar një standard të ri në marketingun online, si në formën e printuar, ashtu edhe në atë elektronike.

Ai na tregon se revista “Oferta Suksesi”, ka filluar të botohet në vitin 1996 në Tiranë dhe se tani i ka bërë 20 vite të plota në treg. Ai thotë se fillimisht revista është shtypur jashtë vendit dhe është sjell në Shqipëri si produkt final për shkak të kualitetit më të mirë të shtypit në atë kohë.

“Duke parë zhvillimet në vendet tjera evropiane ku kam jetuar, kemi filluar që atë eksperiencë ta sjellim edhe në trevat shqiptare. Qëllimi ka qenë ofrimi i mundësive për shit-blerje në një vend”, thotë Kahrimani.

Ai thotë se realizimi i këtij projekti ka qenë i vështirë sepse në kohen e fillimit muaji korrik-gushtë 1996 situata ekonomike në Shqipëri ka qenë shumë e komplikuar për shkak të skemave piramidale, ku njerëzit kursimet e tyre i investonin në këto skema dhe interesimi për zhvillim kishte rënë në masë shumë të madhe, sepse mendonin se pa punë do të jetonin nga fajdet.

Ai thotë se kjo ka qenë një vështirësi të cilën nuk e kishte parashikuar se mund të ndodhë dhe pas botimit të tre numrave është dashtë të mbyllet revista.

“Kishim shumë vështirësi në mbledhjen e informacioneve për botim. Ndërsa pas mbarimit të luftës pikërisht në muajin prill 2000 kemi filluar botimin e revistës në Kosovë, me ketë botim si revistë e pastaj si gazetë kemi vazhduar deri në vitin 05.08.2015, duke i botuar 633 numra gjatë këtyre viteve. U ndërpre shtypi për shkak të zhvillimeve të njohura, ku informacioni online filloi dominimin ndaj versionit të shtypur”, theksoi Kahrimani.

Pionierë të marketingut të printuar dhe online

Nexhmedin Kahrimani thotë se ma platformën online kanë filluar pak më vonë se sa me versionin e shtypur, por paralelisht me shtypin ku ka qenë një ndër platformat e para shqiptare online, e sidomos në sferën e marketingut që në shator 2001 dhe vazhdohet edhe sot me një stabilitet shumë të mirë si dhe me një besueshmëri maksimale.

“Ne në njëfarë mënyre kemi qenë edhe pionierë në ketë fushë, duke e promovuar webin ose shitjen online të lexuesit nëpërmjet versionit të shtypur në web- faqen online”, shprehet Kahrimani.

Ai na tregon se puna në versionin online në fillim ka qenë e vështirë për shkak se qasja në internet e popullatës ka qenë shumë më e kufizuar se sa sot, ndërsa shtypi klasik ka qenë më i njohur dhe më i qasshëm. Ai thotë se vështirësi ka paraqitur edhe mungesa e konsiderueshme e kompjuterëve në masën e gjerë e kështu me radhë. Kahrimani thotë se vështirësi kanë pasur që në fillim për grumbullimin e informacioneve për revistë, e njëkohësisht edhe për plasimin e tyre online.

“Njerëzit në fillim hezitonin që t’i jepnin ofertat e tyre për shitje ose kërkesat për blerje, sepse u frikësoheshin që t’i japin kontaktet për shkak se ishte gjendje e pasluftës edhe kishte shumë hezitime. Të dy versionet tek ne kanë qenë dhe janë shume strikte të kontrolluara për vërtetësinë e shpalljeve si dhe për drejtshkrimin, i cili ju servohet lexuesve”, thotë Kahrimani.

Çdo shpallje konfirmohet para se të publikohet

Nexhmedin Kahrimani thotë se në punën e përditshme janë të angazhuar një staf, i cili merret me shpalljen e shit-blerjeve. Ai na tregon se çdo shpallje në të dy versionet ka qenë e konfirmuar si shpallje e saktë,  ndërsa sot edhe shpalljet online vërtetohen me thirrje të personit , e pastaj publikohet.

“Lexuesit të cilët janë një herë të konfirmuar nga ne dhe e kanë të hapur llogarinë ato shpallje nuk vërtetohen prapë, por vetëm rregullohen gjuhësisht. Për këtë standard ne kemi operatorë që merret vetëm me këto gjera: konfirmimi dhe drejtshkrimi”, thotë Kahrimani.

Shpalljet në OfertaSuksesi janë të të gjitha llojeve, ndërsa Kahrimani thotë se tash e sa vite e kanë një klientelë shumë besnike nga sfera e biznesit të cilët e kanë mbështetur nder këto vite me reklamimet e tyre, ndaj të cilëve është falënderues.

Ai thotë se ka një bashkëpunim të mirë me biznesmenët dhe se për shpallje të vogla askush nuk paguan, pra janë falas, ndërsa për ata që duan të bëjnë reklamimin e produkteve apo web-faqeve të tyre në pjesë të veçante në web-faqen e OfertaSuksesit, paguajnë një shumë simbolike.

“Tani mos ta keqkuptojmë reklamimin me shpallje ose publikime të vogla për shit-blerje. Të gjitha shpalljet e vogla në parim janë falas, ndërsa çdo shpallje që dëshiron që ta ketë pozicionin më të mirë në web paguajnë një shumë simbolike. Reklamimi i kompanive bëhet në bazë të çmimoreve të cilat janë shumë të volitshme për llojin e klientelës dhe shikueshmërisë që e kemi. Klientela jonë janë njerëz që kanë fuqi financiare për shkak se ata që hyjnë në faqen tonë hyjnë për të blerë ose për të shitur. Kjo do të thotë se lexuesit tonë janë fuqi blerëse për produktet e kompanive. Për këtë shkak edhe kemi reklamime të shumta nga bizneset”, thotë Kahrimani.

Ai thotë se përvoja që e kanë bërë tash e 20 vite i ka mundësuar që të realizojnë një platformë të mirë online dhe ta përmirësojnë në vazhdimësi ndër vite, ndërsa thotë se edhe në të ardhmen kjo platformë online e marketingut do të jetë në shërbim të qytetarëve dhe bizneseve, pra një urë e lehtë lidhëse mes shitësit dhe blerësit.

“Web faqja jonë do të zhvillohet në bazë të kërkesave të tregut, do të mundohemi që çdo shpallje e jonë sikur në këto 20 vite pune të vërtetohet dhe lexuesi mos të mashtrohet sikur në shumë web- faqe të cilat sot janë online. Ky është prioriteti ynë që në platforma të kemi seriozitet dhe të vëmë standard të besueshmërisë. Tjerat pastaj vijnë vet”, thotë Kahrimani. /tesheshi.com/