Ministrja për Dialog, Edita Tahiri ka bërë me dije se në takimin e fundit në Bruksel, Bashkimi Evropian është shprehur e vendosur që më 14 gusht të fillojë revitalizimi dhe heqja e barrikadës nga ura e lumit Ibër.
Në një prononcim për “Epokën e re”, Tahiri tha se me këtë veprim do të fillojë zhbllokimi i procesit të dialogut në mes të dy shteteve, të cilin e ka penguar Serbia prej kohësh.
Ajo nuk ka dashur të ndërlidhë këtë proces me çështjen e konfirmimit të vijës administrative në mes të dy komunave të Mitrovicës.
Kjo e fundit, sipas Tahirit, është çështje e brendshme e Kosovës dhe për të nuk do të diskutohet në Bruksel.
Ajo ka treguar se, sipas ligjeve të Kosovës, vija administrative midis dy komunave të Mitrovicës është mbi lumin Ibër.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
