Quhet Dylan McWilliams, 20-vjeç, i cili më 19 prill ka mbijetuar, pasi e pa veten përballë një peshkaqeni-tigër ndërsa bënte sërf në Hauai.

Siç tregon për BBC, në të shkuarën djaloshi i ka shpëtuar sulmit të një ariu dhe kafshimit helmues të një gjarpri.

Sulmi i ariut në Kolorado – 20-vjeçari i pasionuar për jetën në natyrë, në vitet e fundit ka jetuar mes SHBA-ve dhe Kanadasë, duke i vetëfinancuar udhëtimet e tij dhe duke punuar si instruktor i mbijetesës.

Në korrik 2017, Dylan po mbante një kurs “mbijetese” në një kamp në Kolorado, përcjell gsh.

Kur në orën 4 të mëngjesit, ndërsa kishte fjetur jashtë, ai e gjeti veten para nofullave të një ariu ngjyrë kafe.

“Ai më kapi nga pjesa e pasme të kokës, por e godita në sy derisa më lejoi të largohem”, tha djali.

Miqtë dhe studentët u zgjuan në ngutje dhe panë ariun 136 kg të mbante Dylanin, i cili, për fat të mirë, mori vetëm nëntë të qepura në kokë.

Sulmi i gjarprit në Utah – Në 2015-ën, megjithatë, gjatë një eskursioni në Utah djali u sulmua nga një gjarpër, i cili për fat të mirë i dha atij vetëm një pickim me pak helm. Edhe në këtë rast Dylan ia hodhi paq: vetëm disa ditë dhimbjeje në shtëpi.

Sulmi i peshkaqenit në Hauai – Episodi i fundit ndodhi në ishullin e Kauai. Dylan po lundronte në ujërat kristalisht të qarta, kur papritur ai e kuptoi se kishte një peshkaqen tigër përreth.

“Është një çmenduri, duket sikur kam një lloj fati për të dalë nga situata të tilla”, komenton Dylan.

Djali reagoi instinktivisht duke e goditur atë dhe duke notuar sa më shpejtë që ishte e mundur, e gjithë kjo me një plagë të madhe në këmbën e tij.

“Nuk e dija nëse kisha humbur gjysmën e këmbës apo ndonjë gjë tjetër”.
Sipas ekspertëve që trajtuan Dylanin, bazuar në shenjat e dhëmbëve të lënë në këmbë të 20-vjeçarit, dyshohet të ketë qenë një peshkaqen tigër prej rreth dy metra. Gjithashtu këtë herë djali mbijetoi me vetëm 8 qepje.

Dashuria e natyrës – “Nuk e fajësoj peshkaqenin, nuk e fajësoj ariun, dhe unë nuk e fajësoj gjarprin me zile. Ne gjithmonë duhet të respektojnë kufijtë e kafshëve, edhe pse nuk mendoj se kam ngacmuar ose sulmuar ndonjë prej tyre”, thotë ai.

Pavarësisht nga çdo gjë, djali nuk është frikësuar nga këto përvoja të këqija dhe nuk mund të presë që të shërohet për t’u kthyer të kalojë dallgët e detit dhe të jetojë në ajër të hapur, i rrethuar nga natyra.