Një ndërmjetësues i huaj për zhbllokimin politik në Kosovë

26.11.2015 17:39
Rreshtat+- AShkronjat+- Print
Një ndërmjetësues i huaj për zhbllokimin politik në Kosovë

Propozimi i kryeministrit të Kosovës, Isa Mustafa që të themelohet një komision për vlerësimin e marrëveshjes për demarkacionin me Malin e Zi dhe propozim-marrëveshja e deputetëve Vjosa Osmani e Ilir Deda për tejkalimin e bllokadës institucionale, nga analistët politik shihen si pikënisje e mirë për vendosjen e një dialogu ndërmjet pozitës dhe opozitës.

Por, sipas tyre, që idetë e reja të diskutohen, do të ketë nevojë edhe për një ndërmjetësim nga faktori i jashtëm politik.

Për publicistin Belul Beqaj, propozimet e fundit mund të shihen si gatishmëri për dialog.

Por, rikthimi i besimit ndërmjet pozitës dhe opozitës, sipas tij, mund të ndodhë vetëm nëse ka edhe vullnet politik.

“Pozita duhet ta kuptojë se arroganca e saj nuk mund të përfundojë siç po kërkon. Ndërkaq injoranca dhe një lloj vandalizmi specifik i opozitës nuk është në favor të zgjidhjes politike. Të gjithë duhet të synojnë atë që është nevojë, kërkesë e interes i qytetarëve, e ky është stabiliteti dhe gjetja e zgjidhjes për çështjet që kanë qenë shkas i konflikteve të deritashme”, ka thënë Beqaj.

Në anën tjetër, analisti i Institutit Demokratike të Kosovës, Albert Krasniqi thotë se propozimi i deputetes së Lidhjes Demokratike të Kosovës, Vjosa Osmani dhe i deputetit të Lëvizjes Vetëvendosje, Ilir Deda, është bazuar në një model tashmë të njohur në Kosovë i cili ishte zbatuar në kohën e ngërçit politik kur Gjykata Kushtetuese kishte konstatuar shkelje me rastin e zgjedhjes së presidentit.

Ai thotë se propozimi i këtyre dy deputetëve ka nevojë për diskutim dhe plotësime, sidomos në asketet e vlerësimit të kushtetutshmërisë së Marrëveshjes për Asociacionin e Komunave me Shumicë Serbe.

“Aty ka disa pika të cilat kanë pengesa në hapa. Nuk mundet që një lëndë e cila është gjykuar nga Gjykata Kushtetuese dhe për të cilën jepet vendimi, të kaloj më pastaj tek Komisioni i Venedikur si një masë e dytë. Vendimet e Gjykatës Kushtetuese janë të formës së prerë pavarësisht opinionit që do ta jepte më pastaj Komisioni i Venedikut”, ka vlerësuar Krasniqi.

Sipas tij, ky “është një propozim i cili me disa propozime mund të gjej një zbatim, por mungon një shtytës, një iniciator i cili do të mund t’i ulte palët për ta diskutuar”, siç ndodhi me ngërçin politik, kur ndërmjetës ishte ambasadori amerikan, Christofer Dell.

Ndërkaq, në lidhje me propozimin e kryeministrit Isa Mustafa që të formohet një komision për demarkacionin me Malin e Zi, Albert Krasniqi thotë se formimi i këtij trupi është mëse i domosdoshëm.

“Një Komision për demarkacionin është i nevojshëm për të sqaruar, sidomos para qytetarëve nëse po humbet një territor i Koosvës ose jo dhe me gjithë kontestimet që i janë bërë komisionit të mëhershëm për demarkacionin, mendoj se është mirë të formohet ky komision i ri”, ka thënë Krasniqi.

Përkundër faktit që në skenë tashmë ka dy ide se si të fillojë zgjidhja e problemeve politike, Belul Beqaj vlerëson se ato nuk mund të vihen në tavolinën e diskutimeve nga faktori i brendshëm politik, i cili ka humbur kredibilitetin.

“Përkundër synimit kryesor që patën ndërkombëtarët që t’i pavarësojnë pushtetarët e Kosovës për veprime të pavarura, fatkeqësisht edhe pas 15- 16 viteve, mendoj që zgjidhja eventuale për tejkalimin e kësaj nyje duhet kërkuar nga jashtë, konkretisht nga SHBA-ja ose Gjermania”, ka theksuar Beqaj.

Sidoqoftë, me gjithë propozimet e dëgjuara, analistët nuk shohin ende ndonjë vullnet politik tek subjektet parlamentare që të përfshihen në një dialog serioz për tejkalimin e gjendjes, e cila sipas tyre, me shumë nuanca i ngjanë një krize artificiale që po e krijojnë vet partitë politike për interesa të caktuara.

Opozita ka bojkotuar dhe bllokuar punën e Kuvendit të Kosovës për më gjatë se dy muaj, duke kërkuar që kryeministri dhe Qeveria e Kosovës të tërhiqen nga marrëveshjet me Serbinë, sidomos ajo për krijimin e Asociacionit të Komunave me Shumicë Serbe dhe marrëveshja me Malin e Zi për demarkacionin.

Pa tërheqjen nga këto marrëveshje, tri partitë opozitare, Lëvizja Vetëvendosje, Aleanca për Ardhmërinë e Kosovës dhe partia Nisma për Kosovën, janë zotuar se nuk do të ndalen, qoftë përmes bllokimit të institucioneve apo edhe protestave në rrugë.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com


Ymeri: Masat emergjente të Qeverisë për energjinë janë pa efekt, Ujmani ka 7.5 herë më pak kapacitet se B1

Ymeri: Masat emergjente të Qeverisë për energjinë janë pa efekt, Ujmani ka 7.5 herë më pak kapacitet se B1

Milani synon transferimin e Bruno Fernandesit si lojtar të lirë

Milani synon transferimin e Bruno Fernandesit si lojtar të lirë

Lara Colturi shkruan historinë, Haradinaj: Krenaria e gjithë shqiptarëve!

Lara Colturi shkruan historinë, Haradinaj: Krenaria e gjithë shqiptarëve!

“Përgjegjësia bie mbi institucionet”, Canaj: Kosova dështoi në procesin e anëtarësimit në KiE

“Përgjegjësia bie mbi institucionet”, Canaj: Kosova dështoi në procesin e anëtarësimit në KiE

Ekonomistët: Inflacioni prej 7.1% po rëndon jetën e qytetarëve, institucionet të ndërmarrin masa për uljen e çmimeve

Ekonomistët: Inflacioni prej 7.1% po rëndon jetën e qytetarëve, institucionet të ndërmarrin masa për uljen e çmimeve

Tërshani: Dyshime për falsifikim dokumentesh dhe shkelje të rënda institucionale në rastin e Arlinda Zekajt

Tërshani: Dyshime për falsifikim dokumentesh dhe shkelje të rënda institucionale në rastin e Arlinda Zekajt

“Lirinë e kam paguar me vetmi”/ Grida Duma rrëfim ndryshe: Më mungon empatia e të tjerëve, s’ma kupton asnjëherë askush që vuaj

“Lirinë e kam paguar me vetmi”/ Grida Duma rrëfim ndryshe: Më mungon empatia e të tjerëve, s’ma kupton asnjëherë askush që vuaj

Eksperti amerikan: Thaçi ishte lider i jashtëzakonshëm, duhet të kthehet në Kosovë

Eksperti amerikan: Thaçi ishte lider i jashtëzakonshëm, duhet të kthehet në Kosovë

Eksperti amerikan: SHBA-ja duhet të rrisë presionin për vendimin e Gjykatës Speciale

Eksperti amerikan: SHBA-ja duhet të rrisë presionin për vendimin e Gjykatës Speciale

Ali Ahmeti: Shteti ynë mund të jetojë dhe mbijetojë me bashkëjetesë të qëndrueshme mes maqedonasve dhe shqiptarëve

Ali Ahmeti: Shteti ynë mund të jetojë dhe mbijetojë me bashkëjetesë të qëndrueshme mes maqedonasve dhe shqiptarëve

Jakup Krasniqi përfundon vizitën katërditore me familjen në Kosovë, largohet për t’u kthyer në Hagë

Jakup Krasniqi përfundon vizitën katërditore me familjen në Kosovë, largohet për t’u kthyer në Hagë

Rreth 45 mijë punëtorë e të rinj u larguan nga Kosova sivjet, Azemi: Po ikin nga kushtet e rënda

Rreth 45 mijë punëtorë e të rinj u larguan nga Kosova sivjet, Azemi: Po ikin nga kushtet e rënda

“Poshtërsi” e quan opozita përpjekjen e Sveçlës për përvetësim të meritave pas raportit të Gallupit

“Poshtërsi” e quan opozita përpjekjen e Sveçlës për përvetësim të meritave pas raportit të Gallupit

OEK kërkon subvencionim tre mujor për bizneset, Rafuna paralajmëron humbje nga ndërprerjet e energjisë

OEK kërkon subvencionim tre mujor për bizneset, Rafuna paralajmëron humbje nga ndërprerjet e energjisë

Kurti i bën thirrje Zelenskyt ta njohë Kosovën: Do të demaskohej blofi i Putinit

Kurti i bën thirrje Zelenskyt ta njohë Kosovën: Do të demaskohej blofi i Putinit

Daut Haradinaj për Jakup Krasniqin: Do ta ndaja një pjesë të jetës për të të zëvendësuar, Baca Jakup

Daut Haradinaj për Jakup Krasniqin: Do ta ndaja një pjesë të jetës për të të zëvendësuar, Baca Jakup